Anerkennung der Kurdischen Identität

Gleiche Pflichten. Gleiche Rechte.

Monday, Oct 22nd

Last update02:39:35 PM

Aktuel

DIVÊ NASNAMEYA KURD WERE NASKIRIN!

 

Di encama koçberiya nêzîkî 50 salî de bi qasî mîlyonekî Kurd ji Tirkiyê, Îranê, Iraqê û Suriyê wek hêza kar(karker), penaberên siyasî û akademîsyen hatine Almanyayê û li vî welatî dijîn. Kurdên ku ji komên koçberan yên mezîntirîn yek e, hetanî roja îro tim bi navê dewletên ku terk kirine tên binavkirin û komên koçberan nayên hesibandin û pejirandin. Bi vî avayî ji tevlîbûna sepanên(tetbîqatên) resen yên entegrasyonê û hê ji gelek mafên bingehîn tên bêparkirin.

Di daxuyaniya.Komîsyona Karên Derve ya Meclîsa Federal a wê demê, ya 07.11.1991´ê de, tê vegotin ku „Komek mezin a Kurdan Li Almanyayê dijî û divê ji bo ku ev kom mafên xwe yên çandî biparêze û bi pêş ve bixe, derfet were dayîn.“ (BT-Drucksache-122/1362)

Ji ber sedemêm siyasî ji 1993´an û vir de rastiya qedexekirina Partiya Karkerên Kurdistan (PKK)´ê, rê li kirîmînalîzebûn, daxmebûn, berderbûna(dışlanma) beşek mezin ji koçberên Kurd, nemaze li rêxistinên wan vekike. Divê ev rewş bi lezgînî were guhertin!

Ji ber vê hindê em dibêjin ku pêwîstî bi guhertineke bingehîn a paradîgmayê heye. Ji bo vê daxwaziyên me yên taybet ev in:

01Divê koçberên Kurd wek komek ji koçberan were nasîn û bi komên koçberên din re yeksan(wekhev) bê dîtin;

02Him ji bo teşvîkkirina entegrasyona Kurdan a bi civaka Alman re û him jî ji bo piştgiriya çareseriya pirsgirêka Kurd li Tirkiyê, pêwîst e, qedexeyên li ser PKK´ê û bi vê ve girêdayî yên li ser rêxistinên Kurdan rabin û divê dawî li tehdeyî û çewsandinan werin;

03Divê xizmeta şêwirmendî û piştgiriya Zimanê Kurdî ya ji bo koçber, penaber û nemaze jo bo jinan were dayîn û bi kurdî materyalên dazanînê bên derxistin;

04Divê dersên zimanê dayîkê yên kurdî li hemû eyaletên Almanyayê werin belav kirin;

05Meqamên fermî yên dewletên ku Kurd jê hatine nepejirînin jî, divê navên ku Kurd li zarokên xwe dikin werin pejirandin;

06Divê di weşanên zimanê biyanî yên di radyo her wiha weşanên aîdî rayagiştî(kamu) de, di navbera Kurd û biyaniyên din de kiryarên wekhevî pêk bên;

07Divê Roja Newrozê li gor biryara UNESCO(NY)´yê ya 23´ê Sibata 2010´an wek roja betlanê(tadîlê) were pejirandin;

08Ji bo Entegrasyonê divê nûnerên Kurd tevlî Konseya Şêwirmendiya Federal bibin;

09Divê Alîkariyên Taybet werin teşvîkkirin, agahiyên siyasî û çandî divê bi kurdî jî bên weşandin;

10Divê Kurdên aktîf ên siyasî neyên derkirin û divê Kurdên ku penaberiya wan hatine bejirandin, dawî li jinûvevekirina dosyayên wan werin;

11Divê Hukumeta Federal ji bo çareseriya pirsgirêka Kurd di riya aştî û demokratiyê de hê zedetir hewl bide;

12Kurd xwediyê baweriyên cur be cur in. Xiristiyanî, êzîdîtî, elewîtî û Îslam. Ji ber vê çendê, divê ev kom jî tevlî Komâ Xebata ji bo Diyaloga Olan bin;

Saziyên ku şanenavên wan li binê vê nivîsê ne destnîşan kirine ku ev daxwazî ji bo entegrasyona derengmayî ya piraniya gelê me wê bibe pêngaveke gelekî giring. Bi destxistana vê em bawer dikin ku em ê bi hev re dahatuyeke wekhevî û demokratîk biafirînin.

Ji ber van hindan em hêvî dikin ku hûn ê pişgiriyê bidin vê kampanya me ya ji bo „Naskirina Nasnameya Kurd li Almanyayê

  • YEK-KOM - Federasyona Komelên Kurd li Almanya
  • ATİF - Federasyona Karkerên ji Tirkiyê
  • AGİF - Federasyona Karkerên Koçber li Almanya
  • Cenî - Büroya Jinên Kurd ji bo Aştiyê
  • Enstîtûta Kurdî ji bo lêkolîn û zanist li Almanya
  • YMK - Yekîtiya Mamosteyên Kurd li Ewropa
  • CÎK - Federasyona Civaka Îslamî li Ewropa
  • FKE - Federasyona Komelên Êzîdîyan
  • FEDA - Federasyona Elewiyên Demokrat
  • KURD-AKAD - Tora Akademîsyenên Kurd
  • TÜDAY - Komela Mafên Mirovan ya Tirkiye/Almanya
  • YXK - Yekîtiya Xwendekarên Kurdistan
  • ZAVK - Yekîtiya Navenda Yekîtiyên Sûryanîyên Ewropayê û Lijneyên Wan
  • YEKMAL-KURD - Yekîtiya Malbatên Kurd
  • Konseya Aştiyê ya li Ewropa-Tirkiye/Kurdîstan
  • Cîvaka Kurdan ya Berlîn-Brandenburg
  • Meclîsa Gel ya Tamilan li Almanya
  • The Voice Refugee Forum
  • Karawane für die Rechte von Flüchtlinge und Migrantinen
  • Kurdische Frauen im Exil
  • European - Kurdistan Green Organization
  • Deutsche Kurdische Kultur Bun e.V.

Düsseldorf, 13.07.2011

BLOG COMMENTS POWERED BY DISQUS